鍾意同崇拜係兩回事。

家好月圓裏邊，嘉美（徐子珊 飾）講過，愛一個人，未必一定要崇拜佢。
啱！愛一個人，鍾意一個人，都未必一定認同佢做嘅嘢。

崇拜，意思係絕對認同，佢做嘅所有嘢都係啱嘅，你會不管一切，認同佢嘅所作所為。
咁樣係唔啱架！
偶像，即係你崇拜嗰個人嘅稱呼。偶像偶像，我封你做我嘅偶像！
即係，你絕對崇拜佢，絕對認同佢，以佢為你嘅驕傲，以佢為榮，佢做嘅嘢係絕對啱嘅。

但係，大家好似忘記咗呢個意思。

我鍾意洪，峯，又係唔係偶像呢個意思哩？
我可以好肯定咁話，唔係！

我鍾意洪，峯，但我唔會認同佢做嘅所有嘢。

譬如，洪唔鍾意青，初初 我都覺得好好，但後來知道係因為迷信，我就極力反對！
我寧願佢最鍾意嘅係青囉。（在此講明，我最討厭嘅顏色係青）

阿峯，譬如，如果嗰次佢走去穿耳窿，我實嬲死佢啊！好人好姐走去穿耳窿，你係男人啊，穿耳窿係女仔做嘅嘢，唔冇學嗰個黃宗澤啦！HODOH！

同埋啊，嗰個洪啊，好心佢update下啦！xanga，facebook，仲有forum啊！

死火，越鬧越激，真係火都嚟啊！！！！

你睇啊，我埋一樣隨口就可以鬧到佢地兩個狗血淋頭！

同埋，打個好簡單個比如，你鍾意你嘅男友，唔代表你完全認同佢做嘅嘢嘛！
人非聖賢，孰能無過。
但係，錯就要認！錯就要指出嚟俾佢知！知咗就要改！

可惜，我無能力話俾洪聽，
莎，靠你啦！
你辦事，我放心。

好啦，要講，都講咗。
要解釋，都解釋咗。

大家明就好。

鍾意唔係崇拜。