11.12.2010
十二點幾，坐喺梳化上等待立的出現。當時的我，萬分不安，不知下一刻將會發生咩事···
立出現啦，好man的佢，拎住條鋼筋，
此刻的佢，係我見過佢最man的一次，但卻令我及一班立迷心痛無比···
嗰段終於完啦但心裏卻仲有少少痛，畢竟嗰個係一個十分危險的動作，幸好佢安然無事。
12.12.2010
美好的一日
三點幾出發去搭飛機，一直夢想去香港的我，心諗 終於可以如願得償啦··
搭上飛機，祈禱，願呢一次的旅行順順利利。
抵達香港國際機場，赤鱲角，感覺真好！
搞掂晒啲嘢就盡快趕去紅磡，點知早到咗成個鐘。
終於等到呢一刻啦，見到佢的出現那一刻，我心彷彿停頓咗半秒至一秒···
佢做評判，為mashimaro選出新形象。
比賽完畢，勝負已定，但呢一切都對我不重要，重要嘅係佢。
佢行緊落台啦(!)，感謝媽咪，幫我嗌佢過嚟。
佢過嚟啦，我心此刻又停頓半秒，我唔知做咩，唔知講咩，成個人，呆咗。
過咗一兩秒，恢復返正常，遞枝筆俾佢簽，成個人依然癡癡呆呆···
簽完，佢就走啦。想追，但給我的癡呆緩慢咗。
見著佢企係升降機入邊，慢慢離開···
入夜，與小姑一家共聚一餐。
13.12.2010
金紫荊，淺水灣，工展會，山頂，杜莎夫人蠟像館。
金紫荊 雖睇唔到，但立曾經與佢影過張相意義深重。
淺水灣，無敵海景。
工展會，人雖多，但有好多嘢睇，好多嘢買，仲有嘢免費試食添。
山頂，睇夜景。
杜莎夫人蠟像館，我在此與大批名人合照，但都係蠟像。
我會留我第一次與真人合照給洪。
14.12.2010
深水埗、葵芳（由堂家姐帶領）行街。腳斷。
15.12.2010
香港藝術館一遊，後由家姐朋友帶領到旺角行街。腳又斷。但好開心可以買齊立及峯的專輯。
16.12.2010
最後一日，本想係東涌行下街，但係行咗一轉，啲價錢太貴，買唔落手。
結果決定返葵芳行多轉。
四點幾，準備去機場。
八點幾，準備上機，萬分不捨。
17.12.2010
抵達大馬，但身在大馬，心在香港。
回家途中，諗返好多嘢，好多好多···
在此，諗返呢幾日，好似前一刻啱啱先至發生，但呢一啲已成美麗的回憶，追都追唔返···
回憶，只許你慢慢細味返，但卻永遠再觸摸不到···
