（寫定先，因為可能唔會喺度)
今年嘅最後一日，我想做個總結。
最開心嘅事，莫過於，見過洪同峯，去過香港。
其實，我諗，我點估都估唔到，
今年原來，有好多願望，都實現了。
雖然都係今年定嘅，但好多都能實現，我已經好開心。
一年裏邊，真係發生咗好多嘢。
鍾意多個星，終於有自己嘅房，仲有好多好多嘢，講唔晒嘅變化···
當然呢句個個人都會講嘅啦····
希望明年會更好。
人一生，會有好多好多嘅小願望，大嘅一兩個。
細嘅，我真係有好多，譬如，再見洪，見峯。
去洪嘅音樂會（我真係好想。），再去港。
考到好成績，去港讀大學。
真係有好多，每一刻，每一個決定，都可能會影響，可能會變，我唔知。
至於大嘅，我未肯定，我唔清楚，亦都唔知道。
好啦，到咗最重要嘅部分。
我知唔係所有人都會見到，但係我都要講嘅啦。
媽，我知我知，今年，我唔乖，成日都激你。
我考試，唔多讀書，你緊張，煩我，鬧我，都係為我好。
其實，靜落嚟，我知架，但係，嬲起上嚟，又有邊個真係可以控制到？
你我都知，我哋 唔得。
姐，你離開呢段時間，我諗，我哋嘅感情好好，
可能因為，唔見面時，磨擦，少咗。
同埋，我哋都好掛住對方，同埋同埋，都冇乜嘢好鬧啦，見面時先至會鬧嘛。
woman，今年，我哋感情好好，我拉咗你去好多地方。
睇戲，見峯，仲有好多吧！
我諗，我必須講清楚，我其實知道你拍拖。
你唔同我講，我唔怪你，因為換轉係我，我都唔會講。將心比己吧！
同埋，我都奉勸你一句，身為華人，係應該，讀好我哋嘅語言。
（如果遇見自己喜歡嘅人，嗰個人又對你好好，千萬唔好放棄，
但如果唔可以再喺埋一齊，冇佢嘅日子，一定要活得更好，
呢個世界上，冇話冇咗邊個唔得嘅！）
Esther，我知，今年，我哋好似，有少少疏遠咗，但我好想話你知，
我其實我懷念，以前我哋一齊玩嘅日子。
同埋其實，我有時，唔係好想，你加把口埋嚟。
我最唔想，係你好似幫住第個人嚟窒我，奚落我。
我心好唔舒服架！
不過，我好鍾意琴日同你一齊睇戲。好開心。
ah sei, 你嘅新花名，唔介意吧？
其實，我唔知點解，有時，我好難嗌你嘅名。
其實，你可唔可以，唔好咁懶？
同埋，可唔可以唔好一味窒我，
我唔似你，我好介意，人地點睇我，
而你嘅影響力，其實都幾大。
同埋，你可唔可以，唔好忽略，我哋三人，多年嚟嘅感情，
自從，你認識咗學校裏邊嘅朋友，你好似，唔多理我哋。
好多時候，你一句，我寧願同學校朋友搞，
我會諗，咩喔？！我哋而家，唔好搞咩？！
Viviane, 今年，我其實同你都好好啊！
尤其係排練時，我好多次，都唔開心。
幸好，有你，陪下我。
其實，我有嘢要問，
其實，你覺唔覺得，洪靚仔架？！XDXDXD
好啦，到咗一啲，根本都不熟，但係感覺上好親切，嘅一啲人。
洪，我，年半度開始鍾意你，唔知點解，
你居然有能力，將我原來全部都擺喺峯身上嘅注意力，大部分都拉走晒！
我仲居然，為你，加入forum（阿峯嘅我冇加囉！）、微博。
睇到你嘅喜怒哀樂，我會跟住你喜，跟住你悲，跟著你笑。
無論我做咩，我總會有可能諗起你，寫blog，總會寫到你。
我真係唔知點解···
莎，你好，其實，我見過你，你見過我，但 你唔知嗰個係我。
唔緊要啦，來日方長，總有一日，我會鼓起勇氣，識你。
我想講，我好鍾意你嘅comment架！次次讀到，我都笑，都認同。
你係一個，好叻嘅女仔，好能幹。
洪有你幫佢，真係好。
峯，你一直在我心目中，都好好。
但係，你真係要好好照顧自己，
福祿壽講得啱架！
你真係一個容易受傷嘅男人。
因為你好好，好俾心機，做好自己嘅工作，甚至你自己。
一定要好好對待自己，唔好操勞過度啊！
啊啊啊啊啊啊，講晒了呱！
冇講嘅，唔係冇諗起你，
只不過，可能，我唔知講咩，
或者，你太好，我只可以講，無言感激。
點都好啦，今年，就快過啦，
明年，一定要做到更好，要學識，珍惜眼前人。
我記得，係雜誌，洪講過，
幸福，唔係必然嘅，
所以，我哋，一定要，珍惜眼前人。
